(Presented by Tokyo Resorts)

今个夏天,东京有咩新嘢玩?如果你锺意迪迪尼,咁就要考虑埋 东京迪士尼 度假区喇,因为今年又有激新玩意!最瞩目嘅一定係「海底巡游艇」,你会好似Mo仔、Dory咁潜入水底探险,欣赏壮观嘅海洋世界。另外3大人气必玩,包括同海盗近距离接触,7、8月会有电子大游行,同埋迪士尼和风夏庆,到时肯定好有气氛,谂好同honey定fd去未?抑或全家出动亲子游?

12/5新登场:坐潜艇同Mo仔、Dory say hi

由《海底奇兵》Mo仔嘅视野睇世界、喺海洋探险会係点?坐住5月12日喺 东京迪士尼 海洋全新登场嘅「海底巡游艇:尼莫&好友的海洋世界」就会知!搭上变成鱼仔size嘅潜艇,你就会同Mo仔、Dory一齐探索Disney‧Pixar电影《海底奇兵》嘅世界!

潜艇嘅影像全部由Pixar Animation Studios《海底奇兵2:Finding Dory》原班人马绘製,画面靓不在话下,张櫈仲係动态座椅,会郁㗎,你会好似入咗去蔚蓝世界咁,超过瘾!

 东京迪士尼 度假区4大必玩率先曝光 @Travel佳
呢条小丑鱼化身做海底巡游艇,「游水」时,佢嘅鳍同尾会好似真鱼咁摆动,深入鱼群,坐上去好似喺水底探险。
 东京迪士尼 度假区4大必玩率先曝光 @Travel佳
坐上潜艇,仲会见到Mo仔、Dory同沙沙妹!

东京迪士尼 同海盗玩水

7月11日至8月31日放暑假喇!呢段时间东京迪士尼会有全新嘅特别活动:迪士尼夏日海盗世界!灵感来自迪士尼系列电影《魔盗王决战鬼盗船》,船长会喺地中海港湾演出水花四溅、超级澎湃嘅表演,一班海盗仲会不定时出没园区,进行街头表演,同大家近距离接触。到时园区会布满海盗装饰,连食物都会以海盗为主题,当然亦唔少得有海盗产品卖啦。

 东京迪士尼 度假区4大必玩率先曝光 @Travel佳
7月11日至8月31日会有特别活动「迪士尼夏日海盗世界」,船长同一班海盗会随时出没街头,同大家玩水。

《Frozen》Elsa仲夏现身

冇谂过夏天都会见到《Frozen》嘅Elsa同Anna?7月11日至8月31日两位主角会有「东京迪士尼乐园电子大游行:梦之光」,呢个游行係2001年首度登场后,第4版本上演,阵容加强。今次唔单止有耀眼灯饰同轻快乐曲,夜间游行仲会有《Frozen》冰晶城堡花车载住Elsa、Anna登场,另外亦增添5部全新花车,气氛肯定好热闹。

《仙履奇缘》系列花车亦会焕然一新示人,灰姑娘嘅南瓜马车、王子嘅舞会花车呢段经典故事到时将会上演。一度告别嘅《美女与野兽》花车,亦将换上LED灯重返游行阵容,喺夜幕下画上夺目色彩。

 东京迪士尼 度假区4大必玩率先曝光 @Travel佳
翻新上演嘅「东京迪士尼乐园电子大游行:梦之光」,会有多位经典卡通主角好似Elsa、Anna、灰姑娘、美女与野兽登场。

凉浸浸开和风夏日party

7、8月艳阳高挂,有咩爽得过开个凉透心嘅夏日party!7月11日至8月31日东京迪士尼会有期间限定「迪士尼和风夏庆」,为炎夏降温。到时会有清凉水花满天飞,个个变成超high嘅落汤鸡!当然少不了好有日本庆典特色嘅表演,包括日式敲鼓,一班迪士尼人物会尽情表演,喺水花下拍掌跳舞;仲有得意嘅应节小食同产品卖,係咪好想夏天快啲到呢?

 东京迪士尼 度假区4大必玩率先曝光 @Travel佳
喺热辣辣嘅炎夏去 东京迪士尼 开水上party「迪士尼和风夏庆」,谂起都觉得凉浸浸。

东京迪士尼度假区网址

(图片只供参考)